Nga 20 marsi kur në Prishtinë janë paraqitur dy rastet e para me coronavirus, sot kryeqyteti numëron 3,380 të infektuar.

Lajmin e ka konfirmuar për RTV Dukagjinin, Bujar Gashi duke dhënë statistikat për numrin e rasteve aktive dhe atyre të shëruarve.

“Në momentin që po flasim në Prishtinë janë rreth 1,505 raste aktive me coronavirus ndërsa 1,849 të tjerë janë të shëruar” ka deklaruar Gashi.

Drejtori i Shëndetësisë në Komunën e Prishtinës, Bujar Gashi thotë se komuna u ka dhënë asistencë rasteve pozitive që janë izoluara.

“Kur e tërë familja ka qenë e izoluar u është ofruar ndihmë në furnizimin me ushqime, ilaçe dhe eventualisht ndihmë mjekësore nëse kanë pasur nevojë”.

Gashi thotë se në ditët në vijim sigurisht se do të ketë rezultatet në rënien e të prekurve me coronavirus, por thotë se pushimet masive që janë bërë në bregdet duke mos bartur maska kanë ndikuar në zbehjen e masave që janë marrë në Kosovë./Telegrafi/